РЕКОРДЕРИ ВО ТРОШЕЊЕ: Пратениците „извозеа“ над 14,3 милиони денари – Битолчанецот Кире Божиновски на врвот на листата
Вкупно 14.369.470 денари (над 233.000 евра) е сумата која граѓаните ја платиле за патните трошоци на пратениците во македонското Собрание за 2025 година. Традицијата на високи исплати продолжува, а годинава „шампионската титула“ заминува во Битола, објави Инфомакс.
На врвот на листата е пратеникот Кире Божиновски од ВМРО-ДПМНЕ. Тој за една година наплатил 637.233 денари само за патни трошоци.
Веднаш зад него е минатогодишниот рекордер, неговиот сопартиец од Прилеп, Петар Ристески, кој инкасирал 602.187 денари.
Високо на листата котира и координаторот на пратеничката група на СДСМ, Јован Митрески од Струга, со наплатени 464.150 денари.
Според официјалните податоци, ова се десетте пратеници кои ја чинеле државната каса најмногу по основ на патување во 2025 година:
Покрај високите суми за патување, дел од пратениците го користат и правото на надоместок за закупнина на стан во Скопје, а истовремено наплаќаат и патни трошоци (веројатно за викенд-патувања до родните места).
На оваа листа се наоѓаат:
Посебно внимание привлекува податокот дека дел од пратениците кои наплаќаат патни трошоци или кирија, во своите анкетни листови до Државната комисија за спречување на корупцијата (ДКСК) веќе имаат пријавено недвижнини во главниот град.
Како еклатантен пример се издвојува пратеничката Олга Лозановска. Иако ги користи двете права (и закупнина и патни трошоци во висина од 258.248 денари), таа според имотната состојба поседува стан во Скопје.
