РЕКОРДЕРИ ВО ЕУ: Во регионот го пијат најскапото кафе
Хрватите пијат најскапо кафе, односно за една година неговата цена сe зголеми за 7,4 отсто. Највисоки позитивни стапки на инфлација минатиот месец се забележани во Хрватска (7,4 отсто), Романија (6,8 отсто) и Бугарија (6,6 отсто).
Во Словенија изминатата година кафето поскапе само за 0,9 отсто, а во Унгарија поевтини за 3,10 отсто. Останатите 12 држави од Европската Унија(ЕУ) забележаа намалување на стапката на инфлација на кафето во март годинава. Најзначајни негативни стапки на инфлација се забележани во Финска (15,5 отсто) и Литванија (15,4), потоа Данска (7,5), Чешка (6,5) и Шведска (6).
Според Евростат, во март лани инфлацијата на кафето на годишно ниво изнесуваше 13,5 отсто.
Стапката на инфлација на кафето паѓа од октомври минатата година, кога беше највисока и изнесуваше 17,4 отсто. Европскиот завод за статистика наведува дека растот на цената на кафето генерално е забавен во ЕУ, но има значителни разлики на ниво на земји-членки, објави Даница.хр.
Инаку, поради климатските промени во светот се намалува приносот на кафе и затоа се очекува цената да расте.
foto freepik.com/8photo
