Реал сака да го врати Зидан – по третпат!
Иднината на Карло Анчелоти е неизвесна, веројатно ќе зависи од тоа дали Реал Мадрид ќе ја освои Лигата на шампионите.
Реални се шансите Анчелоти по крајот на оваа сезона да стане селектор на Бразил, а Реал Мадрид да добие нов тренер.
Флорентино Перез не остава ништо на случајот, информациите од Франција велат дека тој стапил во контакт со Зинедин Зидан и му го понудил тренерското место во случај на заминување на Анчелоти.
Зидан во два наврати веќе беше тренер на Реал Мадрид, од 2016 до 2018 и од 2019 до 2021. Тој со кралскиот клуб трипати по ред ја освојуваше Лигата на шампионите и двапати беше шампион во Ла Лига.
