РЕАКЦИЈАТА НА ТРАМП НА ОДЛУКАТА НА ФЕДЕРАЛНИТЕ РЕЗЕРВИ: Би било подобро да ги намалат каматите, царините дури сега почнаа да го наоѓаат својот пат во стопанството
„Би било подобро Федералните резерви да ја намалат референтната каматна стапка. Американските царини почнуваат да го наоѓаат својот пат во економијата“, рече Доналд Трамп, пренесе Ројтерс.
ФЕД одлучи во средата да ја задржи референтната каматна стапка во опсег од 4,25 до 4,50 отсто.
Креаторите на монетарната политика во САД на овој начин ги претставија своите прогнози за инфлацијата, земајќи го предвид фактот дека администрацијата на Доналд Трамп воведе дополнителни царини.
Според нивното предвидување, годината ќе заврши со инфлација од 2,7 отсто, наспроти 2,5 отсто што се очекуваше во декември.
Целта на ФЕД за инфлација е два проценти.
Претседателот на ФЕД Џером Пауел рече дека има впечаток дека царините наметнати од Трамп ги насочиле САД кон побавен економски раст и привремено повисока инфлација.
(Извор: Танјуг)
