Разрешувања и ревизија на работата на М-НАВ

Македонската влада утре ќе одржи седница. На маса, разрешувањето на целокупното раководство на македонска навигација, како и барањето за целосна ревизија на досегашното работење на акционерското друштво во државна сопственост.

Паралелно, тече и правната постапка откако обвинителството отвори истражна постапка, но судот на осомничените за насилниот упад им одреди само мерки за претпазливост.

Политичките интервенции при вработувањата го зедоа данокот во М-НАВ. Тоа е едната димензија на случувањата, процесно односно од кривично правен аспект добро е вели за МТВ универзитетскиот професор Калајџиев, што овојпат судот и обвинителството имаат различни ставови по однос на мерката притвор. Често бевме критикувани за изрекување на мерката притвор што е во спротивност со меѓународната судска пракса каде оценките за донесување на притвор се прилично строги. Во конкретниот случај е многу битно да не се врши притисок врз судот и да донел погрешна одлука. Професорот Калајџиев посочува дека ова е почеток на процесот и не е воопшто страшно тие да се бранат од слобода.

Потребно е точно да се оцени дали се работи за дело обично насилство во група за кое казните се исто така доста високи или дали се работи за насилство со намера да се загрози безбедноста. Лоша околност што сето тоа се случило во кулата, но можело да биде каде било. Позитивно е според него тоа што судот и пред одлучувањата на Кривичниот совет се обратил до јавноста за да образложи својата одлука, но професорот укажува дека жалбата на обвинителството на судската одлука значи непочитување на судот.

Јавноста, пак е во очекување на исходот од владината седница на која според најавите треба да бидат разрешени директорите на Македонска навигација. Синдикатот предупреди дека доколку ова не се случи тие ќе стапат во штрајк со затворање на воздушниот простор. Процесот на расчистување на случајот дополнително се усложни со приведување на лицата и изрекување мерки на претпазливост наместо притвор, по што обвинителството поднесе жалба до Кривичен суд.

Фиљана Кока