РАСТЕ ПРОСЕЧНА ПЛАТА ВО СРБИЈА, над 50 отсто од жителите со плата над 30 илјади денари

Просечната плата во соседна Србија за месец декември 2022 година достигнала 84.227 динари, или 42.113 денари. 

Како што соопштуваат од тамошните институции, во однос на истиот месец од претходната година, просечната нето плата е повисока за 12,9 отсто, но реално е пониска за 1,9 отсто.

Соседите пресметуваат и медијална плата, која за декември 2022 година изнесува 60.413 динари (30 илјади денари), што значи дека 50 од вработените оствариле заработка до тој износ. 

– Податоците за медијалната заработувачка покажуваат дека повеќе од половина од вработените во Србија примаат плата значително пониска од националниот просек – пишува српски „Данас“.

Просечната плата во јавниот сектор била помала од 79.500 динари. Во приватниот сектор, просекот достигна 86.162 динари. Најниската плата е за претприемачите и изнесува нешто повеќе од 41.000 динари.