РАСТАТ ПЛАТИТЕ ВО СРБИЈА: Koлку заработуваат српските работници?
Се зголемиле платите кај северниот сосед. Просечната нето плата во Србија изнесува 810 евра.
Просечната нето плата во декември 2023 година била 95.093 динари(810 евра), додека просечната бруто-плата 130.405 динари(1112 евра), објави денеска Републичкиот завод за статистика на Србија(РЖС).
Медијалната нето заработка за декември 2023 година изнесува 69.842 динари, што значи дека 50 отсто од вработените оствариле заработка до тој износ.
Растот на бруто и нето заработката, во периодот јануари-декември 2023 година, во однос на истиот период лани, номинално е 14,8 отсто или реално 2,4 отсто.
Највисоки нето плати се забележани во програмските дејности со просечни 293.604 динари, објави РЖС. Сепак, најголем раст на годишно ниво е забележан во делот на водниот сообраќај, од 21,4 отсто.
Србија сака да достигне просечна плата од 1.000 евра, а истата цел си ја поставија и црногорските власти. Во Македонија, просечната плата во декември лани изнесувала скоро 40.000 денари.
