РАСТАТ ЦЕНИТЕ НА СТАНОВИТЕ ВО СКОПЈЕ: На годишно ниво пораст од скоро 13 проценти!
Цените на становите во Скопје во вториот квартал годинава бележат раст од 1,6 проценти на квартално, а од 12,9 проценти на годишно ниво, соопштија од Народната банка.
Во првиот квартал годинава цените на становите забалежале раст од 18,8 проценти на годишно ниво, а од 1,3 отсто на квартално ниво.
Во првиот квартал лани недвижностите поскапеле за 12,4 отсто на годишно ниво, по што следел раст, од 16,6 отсто во вториот квартал, од 21,2 отсто во третиот и од 20,6 проценти во четвртиот квартал.
Народната банка го подготвува индексот на цените на становите за територијата на Скопје, врз основа на податоци кои се однесуваат на огласите за продажба објавени од агенциите коишто се занимаваат со промет со недвижности.
