РАСТАТ АКЦИИТЕ ПО ВЕСТА ЗА ЗАТВОРАЊЕТО: Ќе доведе ли колапсот на банката „Силиконската долина“ до системска криза?
Затворањето на „Силиконска долина“, банка во САД предизвика голема бура во економскиот сектор. Сепак, колкаво е значењето на банката, и каква штета може да предизвика нејзиното затворање е сосема легитимно прашање, а уште посилно станува со фактот што во земјата се затвори и уште една бака, која се поврзуваше со крипто пазарот.
Сепак, експертите сметаат дека стечајот на банката „Силиконската долина“ нема да доведе до системска криза на финансискиот систем, посочува извршниот директор на „Соверин Велт Менаџмент“ Гари Караљов.
– Затворањето на банката тешко дека ќе предизвика системска криза, имајќи предвид дека регулаторните тела имаат акционен план за вакви ситуации од 2008 година – изјави тој експерт за Спутник.
Тој изјави дека акциите на „Џ.П. Моргана“ порасна по веста за затворање на банката, што значи дека пазарот не го гледа проблемот како системски.
Како што пренесува „Новости“ проблемите во банката настанале затоа што нејзините клиенти почнале да вадат пари, но се чини дека во моментов тој проблем е изолиран.
Според него, не станува збор за системски проблем, туку за координирани обиди да се извлече од игра банката која се занимавала со криптовалути.
Сепак, тој додаде дека тоа е втор најголем банкарски неуспех од финансиската криза.
Регулаторите постапуваат на правилен начин во оваа ситуација и најверојатно го очекувале тоа што се случило.
Според Федералната корпорација за осигурување на депозити, регулаторните органи на сојузната држава Калифорнија ја затвориле банката и на тој начин таа станала најголемата банка која банкротирала од последната светска економска криза.
Сите осигурени депозити беа префрлени во специјална единица формирана од таа владина агенција – Националната банка за осигурување на депозити од Санта Клара.
Американскиот министер за финансии Џенет Јелен во петокот разговараше со претставници на регулаторните тела и изрази уверување во нивната способност да се справат со ситуацијата.
Фото: EPA-EFE/SARAH YENESEL
