РАМА ОБЈАВИ ПОДАТОЦИ: За седум месеци Албанија ја посетиле 481.000 македонски граѓани
За седум месеци Албанија ја посетиле 481.000 македонски граѓани.
Податоците ги објави албанскиот премиер Еди Рама. Во периодот јануари-јули во Албанија престојувале 481.000 македонски граѓани, што е за 28,3 отсто повеќе споредено со истиот период лани.
Од соседството пред македонските се косовските граѓани, чиј број е 2,4 милиони или 22,3 отсто повеќе споредено со истиот период пред една година.
„Туристичка Албанија брои 6,3 милиони посетители во 7-те месеци од годинава или за 1,2 милиони повеќе од истиот период пред една година, кога бројот на посетители беше 5,3 милиони. Тоа благодарение на идеалните природни услови кои се нудат, културните и историски знаменитости, дополнети со добрата патна инфраструктура, хотелски капацитети, уредени плажи и секако квалитетната услуга“, напиша Рама на Фејсбук.
Албанија ја посетиле и 638.000 италијански, 208.000 турски, 181.000 британски, како и 13.000 кинески туристи.
foto freepik.com
