РАМА Е ГОРД НА АЛБАНИЈА: Отвори ново поглавје во преговорите со ЕУ
Aлбанскиот премиер Еди Рама по отворањето на кластерот за внатрешниот пазар вели дека е горд на Албанија.
Западниот сосед вчера и официјално го отвори Кластерот за внатрешен пазар во преговорите за приклучување кон Европската Унија(ЕУ).
На четвртата меѓувладина седница помеѓу Албанија и ЕУ, беше отворен Кластерот 2, кој ги вклучува поглавјата 1 (слободно движење на производи), 2 (слободно движење на работници), 3 (право на основање бизнис и слобода на пружање услуги), 4 (слободно движење на капитал), 6 (право на трговски друштва), 7 (законодавство за трговски друштва) и 8 (заштита на интелектуална сопственост и здравјето на потрошувачите).
Еврокомесарката за проширување, Марта Кос, изјави дека планот е да се отворат сите кластери до крајот на тековната година, а веќе наредната година да се започне со финализирање на поглавјата.
Рама очекува до 2027 година неговата земја да ги заврши преговорите со ЕУ.
Албанија поднесе барање за членство во ЕУ во 2009 година, доби статус на кандидат во 2014 година, а првата меѓувладина конференција ЕУ-Албанија се одржа во 2022 година.
