РАЦИЈА НА ГРАДИЛИШТА ВО ГЕРМАНИЈА: Уапсени Срби, Албанци,Босанци -работеле на црно!
Припадниците на германската царина во вторникот извршија неколку рации на градилиштата низ Германија за да го проверат статусот на работниците и открија десетици случаи на нелегална работа, главно работници од Босна и Херцеговина, Србија, Албанија и Грузија.
Во таа прилика беа контролирани десетици лица, а еден од приведените, чие име и е познато на редакцијата, ја раскажа својата приказна за Телеграф.
Како што вели, тој е државјанин на Србија кој работи во фирма од Словенија и има „словенски документи“, а работодавецот го испратил на терен во германскиот град Гисен.
Во вторникот градилиштето каде што работи го посети и германската финансиска полиција и оттаму во полициската станица донесе околу стотина лица.
„Дојдоа со 50 комбиња. Беа во униформи, имаа оружје, како и солзавец. Никој од нас не побегна затоа што мислевме дека законски сме таму. Го опколија целиот комплекс“, рече тој.
Како што вели, на некои при приведувањето им ставиле лисици, а на други не. Имаше и помлади и постари, работници кои со години работат во Германија.
Тие беа испрашувани во станица преку преведувач.
„Никој од нас не знаеше дека сме таму илегално, имам словенски хартии, еден месец сум во Германија. Но, се покажа дека не можеме да работиме овде со тие документи“, рече тој. Инаку, како што додава, сите имаат пониска саатница од германските работници.
Откако разговарале во станица, им било кажано дека треба да платат 250 евра за кауција, но бидејќи немал пари со себе, не го сторил тоа. Му ја одзеле личната карта и пасошот со виза, а тој верува дека документите ќе му бидат вратени на 2 мај кога повторно треба да се појави во станица.
Сослушувањето, вели, траело цел ден и било непријатно. Меѓу приведените имало претежно луѓе од Балканот, главно Срби и Босанци. Неговиот работодавец, додава тој, работи на решавање на оваа ситуација.
Сега, како што вели, не знае што ќе биде понатаму и ја чека одлуката на надлежните германски органи.
Германската царина соопшти дека вчера презела голема акција за контрола на градилиштата со цел сузбивање на нелегалната работа.
Во фокусот на увидот биле градилиштата, соопштија од царината.
