РАБОТНО ЌЕ БИДАТ АНГАЖИРАНИ СТУДЕНТИ, ПЕНЗИОНЕРИ, СТРАНЦИ: Eве под кои услови…
Пратеникот од ВМРО-ДПМНЕ, Никола Мицевски соопшти на социјалните мрежи дека е изгласан законот за работно ангажирање на лица.
Работно ангажирано лице согласно овој закон, може да биде:
– лице кое не е во работен однос;
– вработено лице;
– самовработено лице;
-лица помлади од 18 години кои согласно општите прописи од работните односи ги исполнуваат условите за засновање на работен однос;
– студенти;
– корисник на семејна и старосна пензија, со исклучок на корисници на семејна пензија по основ на неспособност за работа и самостоен живот и
– странец кој има регулиран престој согласно закон.
„Согласно овој закон лицата кои ќе бидат ангажирани по овој однос нема да ги загубат стекнатите права по другите односи. На овој начин ќе имаме граѓани кои ќе можат дополнително да заработат, држава која ќе наплати повеќе давачки и работодавачи кои ќе можат да ангажираат повеќе работници“, вели Мицевски.
Додава дека за прв пат во историјата на Република Македонија е усвоен еден ваков закон кој од зачетокот на независноста е барање на работниците и работодавачите.
