Работници на АД Водостопанство протестираа и бараа плати пред Влада

Работниците од Водостопанство АД, друштво во целосна државна сопственост, од Агро Синдикатот денеска излегоа на протест пред Владата поради двете неисплатени плати.

„Сојузот на синдикатите на Македонија и АГРО Синдикатот се загрижени за состојбата во Водостопанство, особено поради тоа што вработените редовно ги извршуваат своите работни задачи, а за возврат веќе неколку месеци не ја добиваат одработената плата што во овие служени услови за живот предизвикани од инфлацијата, како и од потребата за обезбедување на нивните семејства со достоен живот предизвикува револт кај работниците во ова претпријатие, а за што како нивни претставници во изминатиот период предупредувавме и укажувавме“, објави Сојузот на синдикати на Македонија.

Од таму порачуваат – доколку не се исплатат изработените заостанати плати, вработените се подготвени да стапат во штрајк со што ќе биде доведено во прашање водоснабдувањето на посевите, „особено ако се знае дека Водостопанство како претпријатие е крвотокот на земјоделието“.