Работнички лесно до триумф над Академија ФМП, Феникс загуби на гости кај Еуро Никел

ФМП даде отпор само во првата четвртина против Работнички, по што тимот од Градски Парк на полувреме замина со 48-37.

Работнички продолжи со одличната игра и во второто полувреме, по што без проблеми го реши мечот во своја корист 90-77.

Најефикасни во тимот на Работнички беа Малешевиќ со 24 и Џелетовиќ со 19 поени, додека на спротивната страна Меквин постигна 17 поени.

Еуро Никел уште во првото полувреме во салата „Јасмин“ го реши прашањето за победникот, откако на паузата замина со 54-30, по што Феникс 2010 се обиде да ја врати резултатската неизвесност, но не можеше да му парира на противникот.

Гавриловиќ со 16 поени беше најдобар кај Еуро Никел, додека Петков постигна 18 поени за Феникс.

Триумф запиша и Гостивар, кој беше подобар на гостувањето кај Струмица со 79-72.