Работнички го прегази некогашниот вицешампион, ТФТ го „преживеа“ Трајковски!
По релативно изедначеното прво полувреме, центарци имаа повеќе енергија во продолжението во кои доминираа и кое го добија со 22 поени разлика (47-25). Ѓорѓе Џелетовиќ со 30 поени и 11 скока беше најдобар во победничкиот тим, додека Самуел Адевунми со 16 поени беше најефикасен кај домашниот тим.
Градското дерби помеѓу Феникс и ТФТ (66-76) донесе голема борба и фантастична индивидуална пресметка на поранешните соиграчи, Бојан Трајковски и Александар Костоски. Првиот средбата ја заврши со 27 поени, 14 скока и пет асистенции, но тоа не беше доволно да го спречи својот тим од популарната Тафта во која искусниот плејмејкер доминираше со 23 поени.
Во дербито на дното, Академија ФМП дојде до злато вредна победа на гостувањето кај Струмица (94-99), додека Гостивар беше подобар на гостувањето кај Чаир 2030. Кожув и Пелистер играат утре, додека во вторник Еуро Никел ќе го пречека МЗТ Скопје.
