Путин свика итен состанок на државниот врв поради настаните во Дагестан
Рускиот претседател Владимир Путин свика итен состанок со највисоките државни функционери по последните настани на аеродромот во Дагестан.
Путин на средбата ги покани премиерот Михаил Мишустин, министерот за надворешни работи Сергеј Лавров, заменик-претседателот на Советот за безбедност на Русија Дмитриј Медведев и шефовите на сите разузнавачки служби.
Средбата на која ќе присуствува целото раководство на државата ќе се одржи во 19 часот.
Причината за средбата на највисоко ниво беа немирите на аеродромот во Махачкала, главниот град на регионот Дагестан, кога неколку стотици пропалестински демонстранти се обидоа да ги линчуваат патниците кои слетале од Тел Авив.
Во настаните кои излегоа од контрола, имаше наводен прилив на странски разузнавачки служби со цел да се дестабилизира овој регион во Русија.
Како што истакна портпаролот на Кремљ, Дмитриј Песков, рускиот претседател Владимир Путин во текот на денот ќе одржи состанок на кој ќе се разговара за обидот на Западот да ги искористи настаните на Блискиот Исток за да го подели општеството во Русија.
– Добро е познато и очигледно дека вчерашните настани околу аеродромот во Махачкала во голема мера се резултат на надворешно мешање, вклучително и надворешно информативно влијание – изјави портпаролот на Кремљ, Дмитриј Песков.
Аеродром во Махачкала
Во нередите на аеродромот во Махачкала уапсени се шеесет лица, а при интервенцијата повредени се над дваесет цивили и полицајци. Според локалното Министерство за здравство, десет лица се во болници, од кои двајца се во критична состојба.
