ПУТИН СЕ ПОФАЛИ ДЕКА ДОБРО ИМ ОДИ: Соопшти за колку пораснала руската економија

Рускиот претседател Владимир Путин вели дека руската економија во првата половина на 2024 година порасна за 4,6 отсто на годишно ниво. 

Според него, економијата на Русија оваа година, како и во 2023 година, продолжува да расте со добро и силно темпо.

„Растот на економијата и платите позитивно се одразуваат на федералниот буџет. Во првите седум месеци од оваа година буџетските приходи се за 36 отсто повисоки од лани“, изјави Путин.

Вели дека две третини од овие буџетски приходи се средства кои не се поврзани со продажба на нафта и гас, пренесе РИА. 

Тој додаде дека стапката на невработеност во Русија е на рекордно ниско ниво, бидејќи во јуни таа изнесувала 2,4 отсто.

Русија е под санкции поради инвазијата на Украина која почна пред повеќе од две и пол години.