Путин и Трамп нема да присуствуваат на мировните преговори со Зеленски во Турција
Претседателот на САД, Доналд Трамп нема да присуствува во Турција во мировните преговори помеѓу Русија и Укриана. Претходно Трамп изјави дека размислува да отиде во Истанбул и да учествува во преговорите, но тоа нема да се случи.
Оваа одлука на САД доаѓа откако Кремљ го објави списокот на руската делегација на преговорите, на кој не беше вклучен рускио претседател Владимир Путин. Трамп истакна дека би дошол на преговорите доколку дојде и Путин.
Американската страна објави дека во нивната делегација ќе бидат државниот секретар Марко Рубио и специјалните пратеници Стив Виткоф и Кит Келог.
Украинскиот претседател Володомир Зеленски претходно соопшти дека ќе патува во Истанбул и ќе го чека својот руски колега. Украински функционер доцна синоќа објави дека Зеленски веќе заминал кон Анкара, каде што денеска би требало да се сретне со турскиот претседател Реџеп Таип Ердоган.
Зеленски претходно кажа дека евентуално неодаѓање на Путин во Истанбул, би бил доказ дека Русија не сака мир.
„Украина ги прифати сите сигнали, сите предлози што беа понудени од одредени страни. Од САД, европските земји, другите партнери. И оние што беа изразени јавно и оние што останаа зад сцената. Покажавме дека сме апсолутно конструктивни. Верувам дека ако Путин не дојде на состанокот, ова ќе биде последната точка која ќе докаже дека Русија не сака мир“, рече Зеленски пред два дена.
