ПУКАЊЕ ВО ВОЛКОВО: Кираџија го убил сопственикот, а потоа си пресудил!
Утрово се случил грозоморен случај во скопско Волково каде граѓаните се разбудиле со пукотници од огнено оружје.
Според информациите, кираџија со неколку истрели го убил сопственикот на куќата во која живеел, а го повредил и малолетниот син на сопственикот.
Непосредно по пукањето, убиецот си пресудил и себеси.
Засега нема официјални информации за мотивот на убиството, ниту пак за околностите кои довеле до оваа трагедија.
„Денеска (24.03.2025) околу 09.00 часот во СВР Скопје било пријавено дека во с.Волково, скопско, имало пукање од огнено оружје, при што неколку лица биле повредени. Полициски службеници излегле на местото и било констатирано дека Р.Ц. и М.Н. од здобиените повреди починале на местото. Лекар од Итна медицинска помош констатирал смрт. Со повреди се здобил и еден малолетник, кој бил пренесен во Комплексот клиники „Мајка Тереза“ за укажување помош. Како можен сторител на настанот се посочува М.Н.. Се преземаат мерки за расчистување на случајот“, велат од МВР.
