ПСЖ првак, Ланс во ЛШ, Монако ќе извиси за Европа, Нант пред испаѓање
Мачадо, Томасон и Опенда дадоа голови во период од 16-та до 35-та минута за Ланс да направи убедлива предност против Ажаксио и на крај да триумфира со 3-0 за да го потврди вицешампионското место, па убедливата предност и фактот дека нема да може да стигнат го опушти Олимпик Марсеј, кој загуби дома со 1-2 од Брест и со третата позиција оди во квалификациите за пласман во мултимилионската елита.
До пред повеќе од еден месец, Монако беше во трка и за место во ЛШ, ама после вечерашниот пораз со 0-2 кај Рен, сега „кнезовите“ излегоа и од зона за Европа, па Лил со победата со 2-1 против Нант сега е четврти со 66 бода за позиција за Лига Европа, а Рен е на петтото место за позиција за Конференциска лига со 65 бода, додека Монако остана на 65 бода ама сега со послаб меѓусебен скор. Лион со триумфот со 3-0 против Ремс сега има 62 бода и теоретски може да го стигне Рен за излез во Европа.
На дното, пак, Оксер после бодот со ремито 1-1 кај Тулуз направи чекор поблизу до опастанокот, а Нант со поразот кај Лил е на чекор до испаѓање. Нант остана на 33 бода, сега два зад Оксер во директната борба за спас. Троа, Ажаксио и Анже веќе од поодамна се испаднати.
Последното коло се игра во сабота кое ќе ги разреши сите дилеми, а Нант има лесна задача дома со последниот Анже и му треба победа, додека Оксер игра дома против Ланс, кој со заверката на директното место во ЛШ сега нема никаков реузлтатски императив.
