ПСЖ потроши 222 милиона евра за да го купи Нејмар – повреден!
Со оглед на неговите квалитети и фактот што тогаш имаше 25 години, јасно е зошто „светците“ платија толкава сума да го донесат во своите редови, но шест години подоцна на површина излегуваат работи кои клубот и фудбалерот не ги објавија тогаш. Францускиот спортски весник Лекип објави дека ПСЖ го купил и покрај тоа што во тој момент Нејмар бил повреден, а се повика на изјава на тогашниот доктор на тимот Ерик Ролан.
„Повредата беше детектирана на лекарските прегледи и јас предложив Нејмар да оди на операција. Сепак, тоа ќе предизвикаше неколкумесечно отсуство од терените и клубот и фудбалерот одбија таква можност. Во тој период повредата не беше страшна, но таа предизвика подоцна Нејмар почесто и потешко да се повредува“, изјави Ролан.
Шесте сезони на Нејмар во ПСЖ ги одбележаа долги отсуства од фудбалските терени, а Бразилецот не покажа ништо од својот потенцијал поради кој францускиот гигант го направи најскап фудбалер на сите времиња. Летово Нејмар беше продаден на саудискиот Ал Хилал за 90 милиони евра, но неодамна доживеа тешка повреда поради која нема да игра до крајот на сезоната.
