ПСЖ го распарчи Динамо Букурешт, Магдебург го доби дербито против Веспрем

Францускиот гигант уште во првото полувреме ја најави победата, откако на паузата замина со водство од 17-14.

ПСЖ го отвори вториот дел со два гола и избега на пет разлика (19-14), по што Динамо Букурешт имаше неколку обиди да се врати во игра, меѓутоа не можеше да му парира на ривалот.

Пранди постигна шест голови за ПСЖ, додека на спротивната страна најдобар беше Хумет со седум погодоци.

Бундеслигашот Магдебург оствари голема победа над Веспрем (32-25) со што се искачи на второто место поради подобриот меѓусебен резултат од унгарскиот тим.

Првото полувреме беше израмнето, а на полувреме со водство од еден гол замина Магдебург (16-15), по што Веспрем во вториот дел израмни на 16-16 и потоа се играше гол за гол до 19-19.

По црвениот картон на Пешмалбек почна распадот во екипата на Веспрем, а Магдебург набрзо избега на 25-20 и потоа без мака ја зголемуваше предност до 32-25.

Најдобар во победничкиот тим беше Смитс со девет голови, додека Нилсон и Штрлек постигнаа по пет за Веспрем.

Победа запиша и екипата на Пик Сегед против Кил од 36-33 со што обезбеди осминафинале во ЛШ.