Прв пораз на Алкалоид – вицешампионот падна во Охрид!
Охрид играше одлично од самиот почеток на натпреварот и ги користеше грешките на Алкалоид за на полувреме да замине со предност од 16-9.
Алкалоид во вториот дел се трудеше да ја намали негативата, но Охрид успешно го чуваше водството и во последните 10 минути влезе со 24-18.
Гостинскиот тим намали на три гола негатива во финишот, меѓутоа Охрид не дозволи поголема неизвесност и славеше со 30-26.
Најдобар стрелец кај Охрид беше Цирар со 14 голови, додека Ѓорѓески зпаиша 14 одбрани, а во редовите на Алкалоид најефикасен беше Митев со седум гола.
Првенството станува супер возбудливо затоа што сега Пелистер има 14 бодови, по што следи Алкалоид со 12, Охрид има 11, Тиквеш 10, а Вардар девет бодови по четири одиграни кола во плејофот.
