ПРОТЕСТ ВО САРАЕВО ЗА ПОДДРШКА НА ПАЛЕСТИНЦИТЕ: Кој е убиецот на децата? Израел!
Протестен марш денеска се одржа во босанскиот главен град Сараево за поддршка на палестинскиот народ во Газа.
Толпата извикуваше „Кој е убиецот на децата? Израел!“ и „Израел терорист“.
Учесниците велат дека се со палестинскиот народ врз кого, како што нагласуваат тие, „се врши геноцид пред очите на целиот свет“.
Демонстрантите носеа транспаренти на кои пишуваше – „Сараево страда поради страдањето на народот во Газа“, но и оние на кои беа прикажани лицата на премиерот на Израел, Бенјамин Нетанјаху и американскиот претседател Џо Бајден, со натпис „криминалци“.
Организатор на протестот е Независното младинско собрание во Босна и Херцеговина. Досега во Сараево беа одржани два собири за поддршка на палестинскиот народ во Газа. Во Сараево има претставништво на Палестинската управа.
На собирот во октомври, заедно со пораките за поддршка за Палестинците, беа истакнати постери со антисемитски и антиизраелски пораки, а како и овојпат отсуствуваа осудите за злосторствата на Хамас. На ова тогаш реагираше израелскиот амбасадор во Босна а Херцеговина, Галит Пелег.
„Ако ги поддржувате Палестинците, зошто не го осудувате Хамас“, е прашањето што Пелег им го упати на демонстрантите во Сараево во објава на социјалните мрежи.
Инаку, Хамас на 7 октомври почна со напади на Израел.
