ПРОТЕСТ НА 2 АПРИЛ: Македонија со најниска минимална плата во регионот
Од овој месец официјално минималната плата ќе биде зголемена на 24.379 денари,но тоа не е доволно за достоинствен живот, па Сојузот на синдикатите на Македонија одлучи на 2 април да излезе на протест на кој ќе ги извади своите членови на скопските улици.
Претседателот на ССМ, Слободан Трендафилов,по завршувањето на седницата на Претседателството иноформираше дека одлуката за штрајк е поради тоа што Владата еднострано усвоила информација, според која ја утврдиле минимална плата, на штета на работниците во Македонија и неприфаќајки ги предлозите за висината.
Трендафилов рече дека, освен тоа, синдикатите трпат политички притисоци,а во моментов Економско-политичкиот совет нема репрезентативен синдикат.
„Се засилија нападите кон ССМ од последната прес-конференција од почитичка партија и поставени директори кои земаат плати од нашите плати кои ги плаќаме како даноци. Ги плаќаме за да се закануваат со откази и намалување на плати на наши активисти“, рече Трендафилов.
Тој додаде дека тие не се тука за да ја рушат Владата, туку за да им се покачат платите за да се живее достоинствено.
