ПРОСЕЧНАТА ПЛАТА НАДМИНА 34 ИЛЈАДИ ДЕНАРИ, најголем раст има во преработувачката индустрија
Просечната месечна исплатена нето-плата по вработен, во декември 2022 година, изнесува 34.364 денари и во однос на декември 2021 година, е зголемена за 14,8 проценти, објави Државниот завод за статистика.
Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Преработувачка индустрија за 20,4 проценти, Уметност, забава и рекреација 20,2 отсто и Административни и помошни услужни дејности за 19 проценти.
Од ДЗС исто така соопштуваат оти има зголемување на просечната месечна исплатена нето-плата по вработен, во однос на претходниот месец во секторите: Транспорт и складирање (10,4 проценти), Дејности во врска со недвижен имот (10,2 проценти) и Уметност, забава и рекреација (8,4 проценти).
