ПРОСЕЧНА ПЛАТА ВО ХРВАТСКА: Две третини од работниците не ја земаат оваа сума
Има минимално зголемување на платите во Хрватска, но сепак повеќе работници не ја земаат просечната плата утврдена во државата.
Просечната месечна нето-плата по вработен во правните лица за декември 2024 година изнесува 1.361 евро, а средната 1.156 евра, објави денеска хрватскиот Централен завод за статистика. Но, околу две третини од платите се потпросечни, јави Хина.
Просечната плата за декември е номинално пониска за 0,4, а реално за 0,5 отсто во однос на ноември, а номинално повисока за 14,3 и реално за 10,5 отсто во однос на платата за декември 2023 година. Просечната нето плата за декември е за 0,5 отсто пониска од ноември, а за 15 отсто повисока од истиот месец минатата година.
Десет отсто од вработените земале плата за декември до 747 евра, 20 отсто до 821 евро, а 30 отсто од вработените до 917 евра. Платата за 40 отсто од вработените во правните лица била и до 1.026 евра. Потоа следува просечна плата од 1.156 евра, што значи дека половина од вработените имале плата под, половина над просечната.
Платата на 60 отсто од вработените за декември изнесувала и до 1.308 евра, што е сепак помалку од просекот, а само седмата децила, која претставува 70 отсто од вработените, е над просекот и изнесува 1.488 евра.
foto freepik.com/kstudio
