ПРОИЗВОДСТВОТО ЌЕ СЕ ЗГОЛЕМИ ЗА 10 ПАТИ: Во Саудиска Арабија се најдени огромни количини на гас
Во басенот Јафура во Саудиска Арабија се најдени огромни количини на гас. Информацијата ја потврди и саудиската влада. Со околу 5,6 трилиони кубни метри гас, басенот Јафура е најголемото гасно поле на Блискиот Исток. Басенот зафаќа површина од 17.000 квадратни километри.
Саудиската државната нафтена компанија Арамко откри големи количини на гас кои ќе го зголемат производството на 10 пати.
„Дополнителните резерви изнесуваат 420 милијарди кубни метри гас и две милијарди барели кондензат“, информираат од Министерството за енергетика.
Ресурсите во полето Јафура сега се проценуваат на околу 6,4 трилиони кубни метри гас и 75 милијарди барели кондензат.
Неконвенционалното наоѓалиште на гас Јафура е лоцирано југоисточно од нафтеното поле Гавар во источната провинција на кралството. Неконвенционалните ресурси се однесуваат на оние кои бараат напредни методи на екстракција. Ријад се обврза да го развие теренот, а Саудиска Арамко додели договори во вредност од 10 милијарди долари во 2021 година за потфатот.
Од октомври 2018 година, Саудиска Арабија е најголемата економија на Блискиот Исток и 18-та по големина во светот. Државата е втора со докажани резерви на нафта во светот и земјата е најголем извозник на нафта.
