ПРОГНОЗА: Eврото ќе се намали за седум отсто во однос на доларот до крајот на 2024 година?
Според американската банка „Морган Стенли“, еврото ќе се намали за седум отсто во однос на доларот до крајот на 2024 година. Се очекува Европската централна банка (ЕЦБ) наскоро да ги намали каматните стапки за да се справи со болната економија во еврозоната.
„Банката очекува еврото да падне на 1,02 долари до крајот на годината“, изјави Дејвид Адамс, шеф за стратегијата за девизниот пазар во „Морган Стенли“, додавајќи дека очекува ЕЦБ да продолжи со намалувањето на каматните стапки на своите три состаноци до крајот на 2024 година.
Аналитичарите на Блумберг, пак, предвидуваат спротивен тренд, односно раст на еврото до 1,11 долари до крајот на годината.
Инаку, денеска курсот на доларот во однос на јапонската валута потона од вчерашните 143,30 на 141,50 јени, што е најниско ниво во последните осум месеци.
Американската валута ослабе и во однос на европската, па цената на еврото достигна 1,1040 долари, додека вчера во истиот пердиот од тргувањето изнесуваше 1,1030 долари.
Цените на нафтата, пак, повратија дел од вчерашните загуби, кога остро паднаа откако Организацијата на земјите извознички на нафта (OPEC) ја намали проценката за побарувачката за оваа и следната година поради бавниот раст на најголемите светски економии.
foto freepik.com
