Професорката од Скопје која објави дека гимназијалец бил отруен со дрога ставена во пијалак повикана во полиција
Професорката која на Фејсбук напиша дека гимназијалец бил отриен со дрога ставена во пијалок денеска била повиката во полиција, потврдуваат од МВР.
„Денеска (16.03.2023) во полициска станица при СВР Скопје бил извршен службен разговор со В.А., поради наведени податоци дека гимназијалец бил отруен со дрога ставена во пијалак, во објавен статус на социјалната мрежа Фејсбук, а со цел да се обезбедат евентуални дополнителни податоци во врска со случајот кои лицето може да ги има“, се вели во соопштението од МВР.
В.А. во разговорот појаснила дека нема информација за таков настан, туку дека слушнала муабети од деца, а кога новинари телефонски ја повикале да поразговараат на темата, тогаш сфатила дека направила грешка и го избришала статусот. Во коментар се јави и мајката на детето.
Во врска со случајот од страна на СВР Скопје ќе биде известено Основното јавно обвинителство Скопје, со цел добивање насоки за понатамошни мерки и активности.
