Продолжува судењето за убиствата на Вања и Панче!
Продолжува судењето за убиствата на 14-годишната Вања Ѓорчевска и 74-годишниот Панче Жежоски денеска во Основниот Кривичен суд во Скопје.
Се очекува судот да се произнесе околу материјалните докази.
Минатото рочиште, судијата Ивица Стефановски истакна дека на следните расправи кои се закажани за 12, 17, 19, 24 и 26 март ќе се прави распит на обвинетите со редослед Велибор Манев, Боре Видевски, Влатко Кешишев, Александар Ѓорчевски и Љупчо Палевски.
Љупчо Палевски Палчо, Боре Видевски, Велибор Манев, Влатко Кешишов и Александар Ѓорчевски, се обвинети дека заедно испланирале грабнување на 14-годишната Вања со цел да присилат член на нејзиното потесно семејство да даде парични средства за откуп.
Грабнувањето на оштетениот Панче Жежовски во Велес, според обвинението, било со намера да го присилат да им го даде сопственото возило „Цитроен“ за да го користат за грабнување на детето во Скопје.
Малолетната Вања и велешанецот Панче, кои беа пријавени за исчезнати на 27 и 24 ноември, а беа пронајдени мртви во близина на Скопје и Велес на 3 декември 2023 година.
