ПРОБЛЕМИ ВО РЕК БИТОЛА: Исклучени два термоблока, се работи на враќање во функција
Два термоблока на РЕК Битола утрово се исклучени од
електроенергетската мрежа поради активирање на заштитните механизми. Според
информациите од АД ЕСМ, во тек се активности за повторно вклучување на термоелектраните
во системот, со цел да се обезбеди стабилност во снабдувањето со електрична
енергија.
-Термоелектраната
„Битола 2“ утрово во 8:22 часот поради активирана заштита е исклучена од
функција. Шест минути подоцна, од
електроенергетската мрежа е исклучен и термоблокот „Битола 1“ поради активирање
на заштитата на трансформаторот за сопствени потреби. Благодарение на
навременото активирање на заштитата, не
е предизвикана штета врз ТЕ Битола 1. Согласно досега направените анализи, од
стручните екипи на ТЕ Битола, станува збор за надворешни причини кои дополнително
ќе се утврдуваат.
Во моментов течат операции за повторно вклучување на ТЕ Битола 1 во електроенергетската мрежа.
Веднаш по синхронизацијата на ТЕ Битола 1 во електронергетскиот систем, во
текот на денот ќе почнат операции за вклучување на ТЕ Битола 3, кој согласно
планот за производство изминатите денови не беше во функција, сооптоја од компанијата.
