Приведен кичевчанец, пронајдени огревни дрва без документација
Денеска (26.09.2023) околу 02.00 часот на патот од с.Бигор Доленци, кичевско, кон населба Бичинци во Кичево, полициски службеници од Мобилната единица за компензаторни мерки при одделот за гранични работи и миграции во Бирото за јавна безбедност го лишиле од слобода С.А.(25) од Кичево.
При преглед во возилото „опел астра“ со охридски регистарски ознаки, кое го управувал, биле пронајдени огревни дрва за кои не поседувал документација.
Возилото било одземено за понатамошна постапка, а лицето било задржано во полициска станица и по целосно документирање на случајот против него ќе биде поднесена соодветна пријава.
