Приватните превозници денеска нема да возат – не им е исплатена сумата која им се должи

Приватните превозници најавија дека денеска нема да сообраќаат, наведувајќи дека не им е исплатена поголемата сума која, како што тврдат, им се должи.

Тие дадоа рок до утринава до 9 часот за исполнување на нивните барања. Се жалат дека немаат доволно средства за нормално вршење на работата, која ја извршувале и во ситуации кога, како што велат, ЈСП не можело поради недостаток на нафта.

Според нив, во петокот по расправијата со директорот на ЈСП, Кушовски, им биле исплатени по 500.000 денари, што според нив е премалку. Тие најавија дека на јавноста ќе ѝ достават финансиска картичка која, како што тврдат, покажува дека вкупниот долг кон нив изнесува 170 милиони денари.