Присуствувал на пораѓањето на неговата сопруга, а потоа ја тужел болницата за 643 милиони долари

Австралиец се обидел да ја тужи болницата во Мелбурн за милијарда австралиски долари (643 милиони долари) затоа што го охрабрил и дозволил да присуствува на царски рез на неговата сопруга, тврдејќи дека тоа му предизвикало „психоза“, пренесува РТС.

Сопругата на Анил Копула роди здраво бебе со царски рез во Кралската женска болница на 20 јануари 2018 година.

Како што јави РТС, Копула рекол дека бил „охрабрен“, односно дека му „дозволеле“ да присуствува на породувањето со царски рез на неговата сопруга, пренесува 7Њус.

Во таа прилика ја здогледал крвта и внатрешните органи на сопругата, кои, како што вели, му предизвикале психотично растројство и целосно му го нарушиле животот.

Години по раѓањето на детето, тој поднел тужба до Врховниот суд на Викторија, тврдејќи дека болницата ја прекршила својата должност за грижа кон него и дека била обврзана да му плати компензација.

Копула, кој се застапуваше себеси во текот на постапката, ја процени својата отштета поради психичко нарушување на 1 милијарда австралиски долари.

Кралската женска болница призна дека му должела должност да се грижи, но негираше дека ја прекршила.

Исто така, ги отфрли тврдењата дека тој претрпел каква било траума.

Во својата пресуда, судијата Џејмс Гортон ја отфрли тужбата, нарекувајќи ја „злоупотреба на процесот“.

Копула на суд тврдеше дека болеста довела до „распад на бракот“.