Претседателката на ДКСК не смее да има контакт со предмети и друга документација!
Од Основно јавно обвинителство за гонење на организиран криминал и корупција денеска појаснија дека мерките на претседателка на ДКСК, Татјана Димитровска се однесуваат на тоа дека таа не смее да има контакт со предмети и друга документација.
„Појаснување на мерката Забрана за преземање одредени работни активности поврзани со кривичното дело. Ве информирам дека оваа мерка во конкретниот случај подразбира дека осомничената не смее да има контакт со предмети, пошта и друга документација поврзана со работењето на ДКСК, воедно не може да гласа и да распределува предмети“, велат од Обвинителството.
Димитровска е осомничена во предметот „Адитив“.
„Во однос на осомничената Т.Д. која доцна попладнево беше изведена пред судија на претходна постапка во однос на продолжување на акцијата во јавноста позната како “Адитив”, по нејзино произнесивање во однос на предлогот на ЈО за определување мерки за претпазливост, донесено е решение со кое СЕ ПРИФАЌА предлогот на ОЈО ГОКК и се опредлуваат мерки за претпазливост согласно точка 3 и точка 7 односно Привремено одземање на патната исправа и забрана за издавање нова; и Забрана за преземање на одредени работни активности поврзани со кривичното дело“, велат од Кривичен.
