ПРЕСТРЕЛКА ВО БЕЛГРАД, РАНЕТ МАКЕДОНЕЦ: Ова се делата за кои се товари уапсениот напаѓач во Србија
Припадниците на Министерството за внатрешни работи во Белград го уапсија Н.Ѓ. (20) поради постоење основи на сомнение дека извршил кривични дела тешко убиство во обид и недозволено изработување, држење, носење и тргување со оружје и распрскувачки материи.
Се сомничи дека синоќа на улицата „Максим Горки“ со истрели од огнено оружје им нанел тешки телесни повреди на дваесет и шестгодишен белграѓанец и на дваесет и едногодишен државјанин на Македонија, а потоа избегал.
Полицијата набрзо го идентификувала и го пронашла.
По наредба на Вишото јавно обвинителство во Белград, на осомничениот му е одреден притвор до 48 часа, по што ќе биде изведен пред обвинител.
Да потсетиме, две лица беа ранети синоќа на аголот од улиците Максим Горки и Цар Николај во Белград. Во пукотницата во Врачар со повреда на десната надколеница се здобил мажот А.П., по што бил префрлен во Ургентниот центар.
Недалеку од таму на улицата Новопазарска е пронајден уште еден маж со повреда во грбот.
Две лица се ранети вечерва во престрелка што се случила околу 19 часот и 30 минути пред ресторан за брза храна во Врачар.
Како што дознава Н1 на теренот, пукањето се случило на улицата Максима Горки, во таа прилика е ранет маж на возраст од 20 до 30 години, а му била повредена десната нога.
Неколку метри подалеку на улицата „Новопазарска“ е пронајден маж со повреди на грбот, за кој постои сомневање дека е ранет во истиот конфликт.
Фото: Принтскрин/Инстаграм
