ПРЕМИЕРОТ ПЛЕНКОВИЌ ГО РАЗРЕШИ МИНИСТЕРОТ КОЈ ЈА НАПРАВИ КОБНАТА СООБРАЌАЈКА: Усмрти 40-годишен татко на две малолетни девојчиња

Премиерот Андреј
Пленковиќ попладнево изјави дека Марио Баножиќ, кој учествуваше во сообраќајна
несреќа со фатален исход, е разрешен од должноста министер за одбрана.

Сообраќајната
несреќа во која загина возачот на комбето рано утрово на излезот од Винковци, а
во несреќата учествуваше и министерот за одбрана Марио Баножиќ, ја предизвика
министерот Баножиќ, потврди заменик-државниот правобранител од Вуковар, Билјана
Лубуриќ.

Без да ги спомене
имињата на учесниците во несреќата, Лубуриќ на прес-конференцијата рече и дека
во текот на истрагата било наредено дејствија за собирање на сите податоци за
дополнително расветлување на околностите кои довеле до сообраќајната незгода,
вклучувајќи примероци од урина и крв за да се утврди присуство на алкохол.

Тие резултати ги
очекуваме наскоро“, рече таа и додаде дека правобранителството се уште ја нема
брзината со која учесниците ги возеле возилата, кои, како што утврди
полицијата, носеле појаси. Таа додаде дека податоците утврдени во досегашниот
тек на истрагата се собрани од разговорот со возачот на камионот.

Министерот
Баножиќ по несреќата првично бил хоспитализиран во Општата жупанска болница во
Винковци, од каде бил пренесен во КБЦ Осиек. Како што соопштија од болницата во
Винковац, тој претрпел првенствено повреди од контузија на главата и мозокот,
но не ја изгубил свеста.

Од Владата
потврдија дека министерот има тешки физички повреди, но е надвор од животна опасност.

Министерот не се
сеќава на сообраќајната несреќа

Министерот за
одбрана Марио Баножиќ, кој беше повреден во сообраќајна несреќа во саботата
наутро, има повреди на мозокот, градниот кош и екстремитетите и не се сеќава на
несреќата, изјави заменик директорот на КБЦ Осиек, д-р Крунослав Шего,
додавајќи дека моментално е надвор од непосредна опасност.

„Денеска околу
10:30 часот од Општата Жупанска болница во Винковци е пренесен 44-годишен
пациент, тој е министер во Владата на Република Хрватска, господинот Баножиќ.
Тој е префрлен на понатамошно лекување. Првично беше згрижен во Винковци, а
овде се вршеа дополнителни иследувања. Моментално е на одделението за
интензивна нега. Во овој момент тој е надвор од животна опасност“, изјави Шего.

Тој, сепак,
истакна дека со оглед на тоа дека се работи за политраума, треба да бидат многу
внимателни бидејќи здравствената состојба во вакви ситуации може нагло да се
влоши.

Според докторот,
Баножиќ не е целосно свесен, што е вообичаено за овој вид на мозочна повреда“.

-Станува збор за
политраума, повеќекратни повреди на телото, повреди на мозокот, градниот кош,
индиректно на абдоменот, повреди на екстремитетите, но невротраумата е
доминантна во моментов, изјави Шего.

Тој вели и дека
според досегашните тестови нема знаци на внатрешно крварење.

„Ќе биде
неопходно, не операција, туку процедура за репозиционирање за да се имобилизира
повредата на екстремитетот. Пациентот моментално е во таква состојба што
всушност не се сеќава на настанот, а освен тоа, состојбата на свест не е
целосна состојба на свеста“, рече тој.

Запрашан дали ќе
има потрајни последици по здравјето на Баножиќ, тој одговори дека се надеваат
дека нема.

„Секоја повреда
остава последици, но ако ситуацијата остане таква каква што е и ако текот на
закрепнувањето е како што предвидуваме, не би требало да има трајни последици“,
изјави заменик директорот на КБЦ Осиек, д-р Крунослав Шего.

Возачот на
комбето кој загина е 40-годишен човек од Привлака, татко на две малолетни
девојчиња. Тој е сопственик на градежен бизнис, а најверојатно возел кон
Винковци до едно од градилиштата. 

ФОТО: EPA-EFE/OLIVIER MATTHYS