Премиерлигата ќе скрши тридецениска традиција, навивачите бесни!
Секоја сезона екипите играат редовно коло викендот пред Божиќ, на бадниковата вечер се празнува како и на самиот ден 25 декември, а денот потоа или популарниот „Боксинг деј“ е време за вонредно, празнично коло. Исто така се игра задолжително и на 1 јануари.
Меѓутоа овој пат Премиерлигата ќе направела измени со оглед на фактот дека 25 декември се паѓа понеделник, па телевизиите размислувале дека е штета да не се искористи неделниот, вечерен термин, кога сите се по своите домови. Оттука, мечот Вулверхемптон – Челси бил планиран за бадниковата вечер, на 24 декември.
Вакво нешто последен пат се случило во 1995 година, а оттогаш редовно се игра пред Бадник и Божиќ и дури на 26 декември за Боксинг деј. Информацијата за овој меч ја пренесоа дел од англиските медиуми и не е сѐ уште официјално, но навивачите не почекаа за остро да реагираат.
Ова особено ги погодува поддржувачите на Челси, кои, ако сакаат да одат на гостувањето ќе треба да патуваат по 200 километри во еден правец и практично да ја загубат бадниковата вечер по патиштата.
