ПРЕИНАЧЕНА ПРЕСУДАТА ЗА МОДУЛАРНАТА БОЛНИЦА: Апелација им ги дуплираше затворските казни на Бесими и Етеми

Апелациониот суд во Гостивар донесе одлука со која значително ги зголеми казните за трагедијата во тетовската модуларна болница. Наместо првичните алтернативни мерки, двајцата обвинети сега се соочуваат со ефективни затворски казни од по три години.

Советот при Апелација ја прифати жалбата на Основното јавно обвинителство Тетово и жалбите на оштетените, оценувајќи ги како основани. Истовремено, жалбите на одбраната беа отфрлени како неосновани.

Со новата одлука, првостепената пресуда се преиначува во делот на санкциите за:

Во образложението на Апелација Гостивар се наведува дека вака изречените санкции соодветствуваат на степенот на кривичната одговорност и на огромните последици од делото. Судот потсетува на кобната ноќ во која животот го загубија 14 лица – 12 пациенти кои се лекувале од Ковид-19 и двајца роднини на болните.

Според судот, тежината на делото и трагичниот исход налагаат поригорозни казни кои ќе ја задоволат правдата за жртвите и нивните семејства.