Пратеничката на СДСМ потврди: Јован Митрески ќе биде предложен за Претседател на Собранието
Даниела Маркоска, пратеничка на СДСМ денеска по новинарско прашање потврди дека Јован Митрески ќе биде предложен за Претседател на Собранието.
„Да, сметаме дека Талат е соодветно и добро решение. Претседателот на партијата Димитар Ковачевски, за во недела закажа состанок на раководството на СДСМ. На овој состанок од страна на претседателот Димитар Ковачаевски се очекува Јован Митрески да биде предложен за Претседател на Собранието и потврден од страна на раководството и Извршниот одбор на СДСМ“, вели Маркоска.
На прашањето што доколку ВМРО-ДПМНЕ одбијат да бидат дел од техничката Влада предводена од Талат Џафери и не предложат министри и заменици министри, пратеничката вели дека ако ДПМНЕ бара алиби за поразот што ги чека на изборите нема да им успее.
„Деструктивните политики на ДПМНЕ, блокадите, обидите да се закочи земјата, да се блокира Собранието, ги гледаме со години нананзад. ДПМНЕ друго и не знае, бидејќи нема понуда за граѓаните. Не се нешто ново обиди за создавање криза, зборував и во пресот за нив. Како што досега не усепа така нема ниту овој пат. ДПМНЕ има проблем од друга природа. Но се што трврдеа досега излезе обратно“, порача Маркоска.
