ПОЗНАТИОТ СРПСКИ „КРАЛ НА МЕСОТО“ ПОВТОРНО ВО АКЦИЈА – Матијевиќ пак сака да се „трка“ за купување на хотелот „Славија“ во Белград

Министерството за економија на Србија пред два дена објави оглас за продажба на 100 отсто од државниот удел на хотелот „Славија“ во Белград, по пат на јавно наддавање, по почетна цена од 24,9 милиони евра, а меѓу заинтересираните за еден од „симболите на Белград“ повторно се појавил Петар Матијевиќ, потврдиле извори за „Блиц Бизнис“.

– Како некој што се занимава со бизнис, секогаш сме заинтересирани за нови инвестиции и нови вложувања. Што се однесува до хотел Славија, кога ќе ја погледнеме документацијата и состојбата на објектите, ќе одлучиме дали сме заинтересирани, истакна за „Блиц Бизнис“ Зоран Матијевиќ, син на Петар Матијевиќ.

Заинтересираните пријавите за учество во постапката можат да поднесат до 24 ноември, а отворањето на понудите е на 28 ноември, беше наведено на веб-страницата на Министерството за економија. Продажната документација за хотелот „Славија“ ќе биде достапна од денеска, а надоместокот за негјзино купување е 150.000 динари.

Матијевиќ веќе учествуваа во обидот за приватизацијата на хотелот „Славија“

Да потсетиме, Петар Матијевиќ веќе еднаш учествуваше во обидот за приватизација на овој хотел, која трае речиси 10 години. Хотелот последен пат беше огласен за продажба во 2018 година, кога компанијата на Матијевиќ „Мат реал естејт“ победи и депонираше депозит од 6,5 милиони евра.

Трговскиот суд ја нарече таа продажба неважечка.