ПОЖАР ВО СТУДЕНТСКИ ДОМ ВО ЉУБЉАНА! 11 повредени, едно лице во критична состојба! (ВИДЕО)

Рано утрово избувнал пожар во студентски дом на Пољанска цеста во Љубљана при што се повредени 11 лица, од кои едно е во критична состојба, јави Н1 Словенија.

Пожарот бил пријавен кусо по четири часот, а пожарникарите брзо реагирале, евакуирале 363 лица и спасиле 45 лица со помош на скали и заштитни маски.

Во гаснењето учествувале 77 пожарникари со 23 возила, а пожарот бил ставен под контрола за нешто повеќе од еден час.

Според информациите од Универзитетскиот клинички центар (УКЦ) Љубљана, меѓу повредените има млади лица на возраст од 15 до 19 години.

Тројца се здобиле со тешки повредени – еден ученик има тешки изгореници и е во критична состојба, додека двајца се здобиле со скршеници на ’рбетот и глуждот откако скокнале од прозорец за да се спасат од пожарот.

Уште четворица се хоспитализирани поради труење со јаглерод моноксид, а останатите се со полесни повреди.

Zgodaj zjutraj je zagorelo v stavbi Dijaškega doma Ivana Cankarja na Poljanski cesti v Ljubljani. Po prvih podatkih policije je zagorelo v eni izmed sob v prvem nadstropju. Gasilci so požar že pogasili. Evakuiranih je bilo 363 ljudi, enajst jih je potrebovalo zdravniško pomoč. pic.twitter.com/6089T97Eae

— RTVSLOinfo (@RTVSLOinfo) January 30, 2025

Причината за пожарот се уште не е позната, а истрагата е во тек.

Според првичните информации, пожарот избувнал во една од собите на првиот кат и брзо се проширил.

Студентите тврдат дека алармот за пожар не се активирал, но полицијата се уште не го потврдила тоа.

Фото: Принтскрин/Твитер