Пожар во рудник за злато, се стравува дека загинале 27 рудари
Се стравува дека 27 рудари загинале во пожар во рудник за злато во јужниот дел на Перу.
Локалната власт во регионот Арекипа, каде што се наоѓа рудникот, во саботата соопшти дека бројот на жртвите не е потврден „бидејќи од рудникот немало начин да се комуницира по телефон“.
Владата наведе дека краток спој е можна причина за пожарот во рудникот.
Локалните медиуми и социјалните мрежи објавија снимка од пожарот на која се гледаат темни облаци од чад.
Перу е најголемиот производител на злато во Јужна Америка, а рударството е клучна индустрија во таа земја.
Секоја година во Перу се случуваат десетици несреќи, главно во мали рудници.
