Пожар во патнички воз во Романија
Пожар избувна утрово во патнички воз во округот Клуж, северозападна Романија, јави телевизијата Диги 24. Во возот, кој во тој момент не бил во движење, имало околу 100 луѓе. Тие навремено се евакуирани и во инцидентот нема повредени.
Инспекторатот за вонредни ситуации на округот Клуж извести дека денеска во 6:16 часот бил пријавен пожар во локомотива на воз лоцирана на станицата Халта Макау во округот Клуж. До пристигнувањето на тимот од пожарникари, околу 100-те патници се самоевакуирале. На ниту еден од нив не му била потребна медицинска помош.
Вработените во железничката компанија CheFeRe (CFR) веднаш почнале да го гаснат пламенот, а потоа пожарникарите целосно го изгаснале, известуваат од инспекторатот.
Според противпожарната служба, пожарот најверојатно настанал поради оштетување на моторниот простор.
