ПОВТОРНО АКЦИОНЕРСКИ ПРОМЕНИ ВО „РЕПЛЕК“ – поминаа две блок трансакции од над 300 илјади евра
Нови блок трансакцсакции се случиле вчера со акциите на фармацевтската компанија „Реплек“.
Станува збор за две купопродажни трансакции, што значи дека во нив учествувале различни инвеститори, односно купувачи и продавачи на акциите.
Цената, пак, што се постигнала, е исто и во првата и во втората блок трансакција.
Во првата купородажна зделка се продадени 175 акции на „Реплек“, по цена од 68.000 денари за акција, што значи дека за нив е постигната вкупна сума од 194 илјади евра.
Додека, пак, во втората трансакција се продадени и купени 112 акции на „Реплек“, по истата цена од 68.000 денари за акција, односно вкупната сума која е платена за овие акции е 124 илјади денари.
Овие трансакции се вредносно помали од оние кои се случија со акциите на „Реплек“ минатата недела, а со кои се случија значајни акционерски поместувања во сопственичката структира на „Реплек“.
Компанијата, како и секогаш досега, уредно ќе извести кој е купувачот и продавачот на акциите, што се однесува до промените кај акционерите кои поседуваат над 5 отсто од акциите.
Фактор веќе објави и профил на компанијата „Биотек“, според кој оваа компанија е позната по својот синџир на лаборатории, кои, заедно со другите „колеги“ од индустријата, направија милионски профити тестирајќи ги граѓаните на ковид вирусот, за што наплатуваа солиднии суми, во време кога јавното здравство не можеше да обезбеди доволно тестови.
Во декември лани, пак, Биотек групацијата ја прошири својата палета на услуги, отворајќи и нова Поликлиника Биотек, во центарот на Скопје.
Според истражувањата кои веќе ги има правено Фактор, лани Биотек имал приходи од 11,5 милиони евра и добивка од 1,4 милиони евра.
Една година претходно, пак, „Биотек“ наплатиле 6,1 милиони евра, што е за 2,2 пати повеќе од 2020 година. Добивката во 2021 во споредба со претходната споредбена година пораснала за еден милион евра и достигнала 2,6 милиони евра.
Н.Н.Ф.
