Повредите на пациентите од Кочани кои се лекуваат во Србија се опасни по живот, вели доктор Милан Стојичиќ
Доктор Милан Стојичиќ, директор на Клиниката за пластична и реконструктивна хирургија, КЦС, изјави дека пациентите од пожарот од Кочани кои се лекуваат во Клиничкиот центар во Србија, имаат сериозни повреди, опасни по живот.
„Сите пациенти од пожарот во Кочани кои се лекуваат во Клиничкиот центар во Србија, имаат сериозни повреди, опасни по живот. Од осумте лица, тројца се на респиратор, што значи дека е потребна механичка вентилација. Површината на телото од изгореници се движи до 25%. Нагласувам дека имаат симптоми на интоксикација и изгореници на дишните патишта и затоа се опасни за живот. По примот се започнати дијагностички и терапевтски процедури. Од осуммина, седум се лекувани во операциона сала- изјави утрово за РТС проф. д-р Милан Стојичиќ, директор на Клиниката за пластична и реконструктивна хирургија, КЦС.
Синоќа во Ургентниот центар на КЦС во пожарот што избувна во дискотеката на смртта во Кочани пристигнаа осум посериозно повредени пациенти, а вкупната бројка на пациенти кои се зфрижени е 17.
„Сите беа згрижени во текот на ноќта, тие се стабилни, со стабилни витални параметри. Што се однесува до пациентите оперирани претходниот ден, тие се хемодинамски стабилни, нивниот третман продолжува, што секако ќе трае долго“, истакна докторот.
Тој кажа дека некои пациенти ќе бидат подложени на операција. Продолжува нивното лекување и во следните денови ќе бидат оперирани.
„Некои ќе се третираат конзервативно, а други хируршки. А тој хируршки третман веќе е планиран за утре или задутре. Детални информации ќе имаме денеска бидејќи денеска проценуваме кои се кандидати за хируршки третман. И доколку има потреба од донатори на кожа , ќе ве информираме за тоа“, рече Стојичиќ.
