Повредени двајца малолетници – возеле четирицикл, се судриле со „голф“
Двајца малолетници се повредени во сообраќајна несреќа кај Кичево.
– На 17.03.2024 во 13.16 часот во Полициската станица Кичево било пријавено дека на регионалниот пат Кичево – Осломеј се случила сообраќајна несреќа помеѓу патничко моторно возило „фолксваген голф“ со кичевски регистарски ознаки, управувано од Ш.М.(31) од Швајцарија, со живеалиште во Кичево и четирицикл управуван од малолетник од с.Махмудовци, кичевско. По несреќата малолетниот возач и неговиот малолетен сопатник биле пренесени во Медицинскиот центар Кичево за укажување на лекарска помош, соопшти полицијата во дневнито билтен.
Извршен бил увид од увидна екипа од Полициската станица Кичево.
