ПОВЕЌЕ ОД 500 ХРВАТИ СЕ ВО ЗАСОЛНИШТА – извлечени се од снежните патишта по невремето кое ја зафати Далмација
Министерот за внатрешни работи на Хрватска Давор Божиновиќ изјави дека повеќе од 500 заглавени во сообраќајот се наоѓаат во засолништа.
Тој исто така рече дека и покрај забраните, повеќе од 25 автомобили синоќа влегле на делот од автопатот каде сообраќајот бил забранет.
Претходно, пак, хрватски Индекс извести дека околу 300 лица се згрижени во три прифатни центри за патници кои вчера беа блокирани во сообраќајот поради временските услови, како што за Хина потврдила Наталија Турбиќ, шеф на штабот за цивилна заштита на општина Грачац.
Покрај трите прифатни центри организирани од цивилната заштита и општина Грачац, замрзнати патници примија и изнајмувачи на приватно сместување, угостителски објекти и многу семејства, така што можеби петстотини луѓе најдоа безбедно засолниште во областа Грачац, додаде Турбиќ.
Тој посочува дека утрово ситуацијата е малку подобра, патот за Книн и Сплит е отворен, а полицијата на секои 15 минути пушта по 30 автомобили поради се уште тешките услови. Сите патишта кон Задар се затворени.
Во прифатниот центар во градинката во Обровац се сместени околу 50 патници.
Од ХАК велат дека се уште нема слободен патен правец за ниту една група возила од Далмација кон внатрешноста и обратно. Државниот пат DC50 Грачац – Свети Рок е отворен само за патнички возила заради влечење возила од Грачац и понатамошно приклучување на автопатот А1 во правец кон Загреб.
Индекс.хр
